Қолдану көрсеткіштері

ЛИФТА 5 МГ

• ересек ер пациенттердегі эректильді дисфункцияны емдеу.

Тадалафилдің әсері үшін жыныстық ынталандыру қажет.

• ересек ер пациенттердегі қуықасты безінің қатерсіз гиперплазиясының белгілері мен симптомдарын емдеу.

ЛИФТА 10 МГ, 20 МГ

• ересек ер пациенттердегі эректильді дисфункцияны емдеу.

Тадалафилдің әсері үшін жыныстық ынталандыру қажет.
Дәрі әйелдерге қолдануға көрсетілмеген.

Қолдану бойынша ұсыныстар

Дозалау режимі
Ересек еркектердегі эректильді дисфункция
Болжалды жыныстық белсенділікке дейін ұсынылатын әдеттегі доза тамақпен немесе тамақсыз 10 мг құрайды.
Егер 10 мг қабылдау қажетті нәтиже бермесе, онда дозаны 20 мг тадалафилге дейін арттыруға болады. Тадалафил 10 мг және 20 мг күтілетін жыныстық белсенділікке дейін пайдалануға арналған және ұзақ мерзімді күнделікті қолдану ұсынылмайды. Лифта препаратын жиі қолдануы күтілетін пациенттер үшін (яғни аптасына кемінде екі рет) емделушінің таңдауына және емдеуші дәрігердің пікіріне сәйкес ең төменгі дозада күніне бір рет жиілікпен қолайлы дозалау режимін құруға болады.
Мұндай емделушілерге шамамен бір уақытта күніне бір рет 5 мг доза ұсынылады. Дозаны жеке төзімділікке байланысты тәулігіне бір рет 2,5 мг дейін төмендетуге болады.
Ересек еркектердегі қуық асты безінің қатерсіз гиперплазиясы
Ұсынылатын доза күніне шамамен бір уақытта, тамақпен немесе тамақсыз қабылданатын 5 мг құрайды. Қуықасты безінің қатерсіз гиперплазиясын да, эректильді дисфункцияны да емдейтін ересек ер адамдар үшін ұсынылатын доза да күніне шамамен бір уақытта қабылданатын 5 мг құрайды. Қуықасты безінің қатерсіз гиперплазиясын емдеу үшін 5 мг тадалафилді көтере алмайтын емделушілер баламалы емді қарастыруы керек.

Жанама әсерлері

Жиі: бас ауруы, гиперемия, мұрынның бітелуі, диспепсия, арқадағы, бұлшықеттер мен аяқ-қолдардың ауырсынуы.

Қарсы көрсеткіштер

Тадалафилге немесе препараттың құрамдас бөлігі болып табылатын кез келген затқа жоғары сезімталдық; органикалық нитраттардың кез келген түрі бар препараттарды қабылдау; жүрек-қантамыр жүйесі аурулары бар науқастарда жыныстық белсенділікке қарсы көрсеткіштердің болуы: соңғы 90 күн ішінде миокард инфарктісі; тұрақсыз стенокардия немесе жыныстық қатынас кезінде стенокардия ұстамасының пайда болуы; Нью-Йорк жүрек қауымдастығының (NYHA) II класы немесе соңғы 6 айдағы жүрек жеткіліксіздігі жүрек ырғағының бақыланбайтын бұзылуы, гипотензия (қан қысымы ˂90/50 мм сын. бағ.) немесе бақыланбайтын артериялық гипертензия; соңғы 6 айда инсульт алған; артериалды емес алдыңғы ишемиялық оптикалық нейропатия (NAPION) салдарынан бір көздің көру қабілетінің жоғалуы, бұл ФДЭ-5 тежегішінің бұрынғы әсерінен болғанына қарамастан; ФДЭ-5 тежегіштерін, соның ішінде тадалафилді, риоцигуат сияқты гуанилатциклаза стимуляторларымен бір мезгілде қолдану, өйткені бұл симптоматикалық гипотензияның дамуына ықтимал әкелуі мүмкін; сирек тұқым қуалайтын галактозаны көтере алмаушылық, жалпы лактаза тапшылығы немесе глюкоза-галактозаның мальабсорбциясы; 18 жасқа дейінгі балалар мен жасөспірімдер.

Арнайы ескертулер

Бүйрек жеткіліксіздігі. Жеңіл және орташа бүйрек жеткіліксіздігі бар емделушілерде дозаны түзету қажет емес. Ауыр бүйрек жеткіліксіздігі бар емделушілер үшін ұсынылатын ең жоғары доза препараттың 10 мг құрайды. Бүйрек функциясының ауыр жеткіліксіздігі бар емделушілерде эректильді дисфункцияны немесе қуықасты безінің қатерсіз гиперплазиясын емдеу үшін тадалафилдің 5 мг бір реттік дозасы ұсынылмайды.
Бауыр жеткіліксіздігі. Қажеттілікке қарай ЛИФТА ұсынылатын дозасы күтілетін жыныстық белсенділікке дейін, тамақпен немесе тамақсыз 10 мг құрайды. Бауыр функциясының ауыр жеткіліксіздігі (Чайлд-Пью бойынша С класы) бар емделушілерде тадалафилдің қауіпсіздігі туралы шектеулі клиникалық деректер бар; тағайындау кезінде дәрігер пайда/қауіпті жеке бағалауды жүргізуі керек. Бауыр жеткіліксіздігі бар емделушілерде тадалафилді 10 мг-ден асатын дозаларда қолдану туралы деректер жоқ. Тадалафилдің тәулігіне бір рет қабылдау режимі бауыр жеткіліксіздігі бар емделушілерде зерттелмеген, сондықтан бұл препаратты тағайындау үшін емдеуші дәрігер пайда-қауіп арақатынасын мұқият жеке бағалаудан бастауы керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері. ЛИФТ көлікті немесе механизмдерді басқару қабілетіне аз әсер етеді.

Дәріханалардан босату шарттары

Рецепт бойынша

Өндіруші туралы ақпарат

«ABDI IBRAHIM»
Заңды мекен-жайы: Orhan Gazi Mahallesi, Tunç Caddesi No:3, Esenyurt/İstanbul, Turkey (Турция)
Бас кеңсе: «ABDI IBRAHIM», Reşitpaşa Mahallesi Eski Büyükdere Caddesi No:4, Maslak-Sarıyer – 34467 Стамбул, Түркия, тел.: +90 212 366 84 00, электрондық поштаның адресі: info@abdiibrahim.com.tr

Тұтынушылардан дәрілік заттардың сапасына шағымдарды (ұсыныстарды) қабылдайтын және олардың қауіпсіздігіне тіркеуден кейінгі мониторингті жүзеге асыратын Қазақстан Республикасының аумағындағы ұйымның атауы, мекенжайы және байланыс деректері (телефон, факс, электрондық пошта) дәрінің

ЖШС «Абди Ибрахим Глобал Фарм», Қазақстан Республикасы, Алматы облысы, Іле ауданы, Промзона 282, тел.: +7 (727) 356-11-00, 8-800-070-1100, электрондық поштаның адресі: info@aigp.kz

РЕЦЕПТТЕУ ЖӘНЕ ҚОЛДАНУ АЛДЫНДА МЕДИЦИНАЛЫҚ ҚОЛДАНУ НҰСҚАУЛАРЫН МҰҚИЯТ ОҚЫҢЫЗ